ភ្នំពេញ៖ នេះគឺជាមោទនភាពថ្មីមួយដែលធ្វើឱ្យខ្មែរគ្រប់រូបញញឹមបិទមាត់មិនជិត! ចាប់ពីថ្ងៃទី៣ ខែមេសា ឆ្នាំ២០២៦ តទៅ ក្លិនក្រអូបឈ្ងុយឈ្ងប់នៃអង្ករផ្កាម្លិះខ្មែរ ក្រោមស្លាកយីហោ «Golden King» បានពង្រីកវត្តមានពេញបណ្ដាញលក់រាយធំៗជាង ៣៤៥ ទីតាំង ទាំងក្នុងប្រទេសកម្ពុជា និងទីក្រុងហុងកុង។

Watch video:
ជោគជ័យដ៏ត្រចះត្រចង់នេះ មិនមែនកើតឡើងដោយចៃដន្យឡើយ ប៉ុន្តែវាគឺជាផ្លែផ្កាដែលកើតចេញពីការប្ដេជ្ញាចិត្តយ៉ាងមុតមាំ និងចក្ខុវិស័យវែងឆ្ងាយរបស់ ផ្សារទំនើប ឡាក់គី និង DFI Retail Group។ ក្នុងនាមជាក្រុមហ៊ុនលក់រាយដែលឈរជើងយ៉ាងរឹងមាំក្នុងបេះដូងពលរដ្ឋខ្មែរជាង​៣៣ឆ្នាំ ផ្សារទំនើបឡាក់គី បានដើរតួយ៉ាងសំខាន់ ក្នុងការរុញច្រានកសិផលខ្មែរឱ្យមានវត្តមានយ៉ាងមោទនៈនៅលើឆាកអន្តរជាតិ។​

លោកជំទាវ ចម និម្មល រដ្ឋមន្ត្រី ក្រសួងពាណិជ្ជកម្ម បានសរសើរចំពោះសកម្មភាពដ៏សកម្មរបស់ ក្រុមហ៊ុន Amru Rice និង ក្រុមហ៊ុន ឌី អេហ្វ អាយ ឡាក់គី ដែលបានរួមដៃគ្នាសម្រេចយុទ្ធនាការផលិតផលជាតិ #MadeInCambodia។ លោកស្រីបានគូសបញ្ជាក់ថា នេះគឺជាការលើកមុខមាត់ជាតិដ៏ធំធេង ខណៈដែលអង្ករផ្ការផ្កាម្លិះកម្ពុជា ដែលទើបតែឈ្នះពានរង្វាន់ «អង្ករល្អបំផុតលើលោកឆ្នាំ២០២៥» ត្រូវបានដាក់លក់យ៉ាងមានតម្លៃនៅផ្សារទំនើប Wellcome ជាង២៤៥ទីតាំងក្នុងទីក្រុងហុងកុង។

គុណតម្លៃពិតនៅពីក្រោយសមិទ្ធផលមោទនភាពជាតិ

• ឈាមជ័រខ្មែរ គុណភាពខ្មែរ៖ ការបង្ហាញខ្លួននៅលើឆាកអន្តរជាតិនាពេលនេះ គឺជាសក្ខីភាពបញ្ជាក់យ៉ាងច្បាស់ថា «ស្នាដៃកូនខ្មែរ មិនចាញ់បរទេសឡើយ»។ ឡាក់គី មានមោទនភាពបំផុតដែលបានបង្ហាញពិភពលោកថា កសិផលខ្មែរមានគុណភាពខ្ពស់ និងអាចឈរជើងយ៉ាងអង់អាចក្នុងទីផ្សារអន្តរជាតិ។

• ដង្ហើម និងក្តីសង្ឃឹមរបស់កសិករ៖ រាល់កញ្ចប់អង្ករដែលដាក់តម្រៀបនៅលើធ្នើ គឺជាផ្លែផ្កានៃញើសឈាម និងការតស៊ូរបស់បងប្អូនកសិករយើង។ ឡាក់គី មិនត្រឹមតែនាំអង្ករខ្មែរទៅក្រៅប្រទេសប៉ុណ្ណោះទេ ប៉ុន្តែយើងបាននាំយកនូវ "ក្តីសង្ឃឹម" និង "ស្នាមញញឹម" ត្រឡប់មកកាន់វាលស្រែខ្មែរវិញ តាមរយៈការផ្ដល់នូវលំនឹងជីវភាពដ៏កក់ក្ដៅ។

• ចលកររុញច្រានសេដ្ឋកិច្ចជាតិ៖ តាមរយៈបណ្តាញចែកចាយដ៏ធំទូលាយរបស់ DFI Retail Group យើងបានប្រែក្លាយកម្លាំងទិញពីក្រៅប្រទេស ឱ្យមកជាចរន្តសេដ្ឋកិច្ចដ៏រឹងមាំសម្រាប់កម្ពុជា។ នេះគឺជាយុទ្ធសាស្ត្រឈ្នះ-ឈ្នះ ដែលជួយជំរុញឱ្យសេដ្ឋកិច្ចជាតិយើងបោះជំហានទៅមុខដោយភាពជឿជាក់ និងចីរភាព។
  
  ក្នុងនាមជាម្ចាស់ពានរង្វាន់អង្ករល្អបំផុតលើពិភពលោក អង្ករប្រណិតផ្កាម្លិះ "Golden King" មិនមែនត្រឹមតែជាកសិផលធម្មតានោះទេ ប៉ុន្តែគឺជា "កិត្តិយស" និង "អត្តសញ្ញាណ" ដ៏ថ្លៃថ្លារបស់ជាតិខ្មែរ។ ផ្សារទំនើប ឡាក់គី ប្ដេជ្ញាបន្តឈរក្បែរ និងជ្រោមជ្រែងផលិតករក្នុងស្រុក ដើម្បីលើកតម្កើងកេរ្តិ៍ឈ្មោះទឹកដីសុវណ្ណភូមិ និងនាំយកមោទនភាពខ្មែរដែលឈ្នះពានកម្រិតសកលនេះ ទៅបង្អួតពិភពលោកឱ្យកាន់តែស្ញប់ស្ញែងបំផុត។