រាជធានីភ្នំពេញ ថ្ងៃទី០១ ខែសីហា ឆ្នាំ២០២៦៖ ផ្សារទំនើប ឡាក់ គី (Lucky Supermarket) ដែលជាផ្សារទំនើបឈានមុខគេ និងដំបូងគេបង្អស់នៅក្នុងប្រទេសកម្ពុជា បានប្រកាសជាផ្លូវការអំពីការដាក់ដំណើរការ កម្មវិធីគម្រប់ខួបលើកទី៣៣ឆ្នាំ របស់ខ្លួន រួមបញ្ចូលជាមួយនឹងកម្មវិធីបើកប្រអប់សំណាង “Lucky Box” ដែលជាបទពិសោធន៍ទិញទំនិញកម្សាន្ដបែបសម័យថ្មី ព្រមទាំងមាន រង្វាន់សរុបរហូតដល់១៤៣លានរៀល ដោយគ្រាន់តែចំណាយចាប់ពី៦០០០០រៀល នៅគ្រប់សាខារបស់ផ្សារទំនើបឡាក់គី​ និងឡាក់គី​ អុិចប្រេស ដែលចាប់ផ្ដើមពីថ្ងៃទី០១ ដល់ថ្ងៃទី៣១ ខែសីហា ឆ្នាំ២០២៦ នេះ។

គួរបញ្ជាក់ដែរថា​​​ ក្នុងកម្មវិធីបើកប្រអប់សំណាង “Lucky Box” បាននាំមកជូននៅអតិថិជនរបស់ខ្លួនជាពិសេសសមាជិក Lucky Rewards App រាល់ការទិញទំនិញចំណាយចាប់ពី៦០០០០រៀលឡើងទៅ និងធ្វើការស្កេន QR Code រាល់ពេលទូទាត់នៅគ្រប់សាខា និងទទួលបានប្រអប់សំណាង “Lucky Box” ដែលអតិថិជនទាំងអស់មានឪកាសឈ្នះរង្វាន់ជាប័ណ្ណទិញទំនិញចាប់ពី 1$ រហូតដល់ 100$ ខណៈរង្វាន់សរុបមានរហូតដល់ ១៤៣លានរៀល។

លើសពីនេះទៅទៀត តាមការបញ្ជាក់ពីផ្សារទំនើប ឡាក់គី​ ដែលជាផ្សារទំនើបដំបូងគេបង្អស់ក្នុងប្រទេសកម្ពុជា គិតត្រឹមមកដល់បច្ចុប្បន្ននេះមានដំណើររីកលូតលាស់របស់ខ្លួនរហូតដល់មាននៅបណ្ដាសាខាឈានទៅដល់១០៥ទីតាំងចាប់ពីឆ្នាំ១៩៩៣។ នេះគឺជាការរំលឹកនៅភាពរីកចម្រើន និងភាពជោគជ័យរបស់ខ្លួនជាមួយប្រជាជនកម្ពុជា។ ដូចនេះហើយ ក្រៅពីកម្មវិធីបើកប្រអ​ប់សំណាង ផ្សារទំនើបឡាក់ គី ក៏បានរៀបចំនូវកម្មវិធីប្រម៉ូសិន និងបញ្ជុះតម្លៃពិសេសៗជាច្រើនផ្សេងទៀតរួមបញ្ចូលទាំងផលិតផលក្នុងស្រុក និងក្រៅស្រុក ដែលមានរយៈពេលពេញមួយខែសីហានេះតែម្ដង។

ជាចុងក្រោយតាមការបញ្ចាក់ពីក្រុមហ៊ុន ក្នុងឱកាសគម្រប់ខួប៣៣ឆ្នាំ ផ្សារទំនើប ឡាក់គី ក៏បានថ្លែងអំណរអគុណដល់អតិថិជនទាំងអស់ ដែលបានគាំទ្រ និងជឿជាក់អស់រយៈពេលជាងបីទសវត្សរ៍កន្លងមកនេះ។ ការគាំទ្រពីអតិថិជន គឺជាកម្លាំងចិត្តដ៏សំខាន់របស់ផ្សារទំនើបឡាក់ គី ដែលជាកត្តាលិករជម្រញនូវភាពជោគជ័យរបស់ខ្លួន។ ដូចនេះហើយ ផ្សារទំនើប ឡាក់គី និងបន្តពង្រីកបណ្តាសាខា អភិវឌ្ឍសេវាកម្ម និងនាំមកនូវនវានុវត្តន៍ថ្មីៗ ដើម្បីឆ្លើយតបទៅនឹងតម្រូវការរបស់អតិថិជន ឡាក់ គី ទូទាំងប្រទេសកម្ពុជា។